ముందుమాట

ముందుగా ఒక మాట!

ఓం శ్రీ గురుభ్యో నమః

రుద్రాధ్యాయము నేర్చుకోవాలని నేను చేస్తున్న ప్రయత్నములో భాగముగా, తరువాత పోస్టులో తెలిపిన గ్రంధముల ఆధారముగా నమకమునకు తెలుగులో వ్రాసుకున్న సంగ్రహమైన అర్ధములను ఈ బ్లాగులో పొందుపరస్తున్నాను. పెద్దలు వ్రాసిన సద్గ్రంధములను వినయముతో అధ్యయనము చేస్తుంటే, అలా అధ్యయనం చేసినవాటిని మహాత్ముల బోధలు, లీలలతో సమన్వయము చేసుకొని మననము చేసుకుంటుంటే, అలానే మనకు అవగతమైనంతమేరకు ఆచరించడము ప్రారంబిస్తే, అప్పుడు సద్గురువుయొక్క అనుగ్రహమువలన వేదమంత్రముల హృదయము మరింత విస్తారముగా, లోతుగా, ఆచరణ యోగ్యముగా అనుభవైక వేద్యమవుతుందని పెద్దల ఉవాచ!అలాకాక, కేవలము సంగ్రహమైన పైపై అర్ధములను తెలుసుకోవడముతోనే ఆగిపోతే పరిమితమైన ప్రయోజనముమాత్రమే సిద్ధిస్తుంది.

ఇక్కడ వ్రాసుకున్నవాటిలో ఏమైనా తప్పులు (అక్షర దోషములు, పద దోషములు, అర్ధ దోషములు మొదలగునవి ఏమైనా) మీ దృష్టికివస్తే దయతో తెలియజేయగలరు. తప్పక సరిజేసుకుంటాను. దీనికి సంబందించిన మీ సలహాలనుకూడా దయతో తెలియజేయగలరు.

ఓం శ్రీ గురుభ్యో నమః